गावात प्रवेश करताच, गावच्या वेशीवर वसलेले श्री ग्रामदेवता मानाई देवीचे मंदिर, प्रत्येकाचे स्वागत करते.

गावातून फिरताना रस्त्याच्या दुतर्फा दाटीवाटीने वसलेली पारंपरिक कौलारू घरे पाहणे, हा एक विलोभनीय अनुभव असतो. पण या सर्वापेक्षा मौल्यवान आहे तो “गावातील लोकांचा एकोपा; हाच आमच्या गावाचा खरा साज शृंगार आहे.”

गावात प्रामुख्याने कुणबी समाजाची वस्ती असून, गणेशोत्सव, होळी आणि गुढीपाडवा यांसारखे पारंपरिक सण आम्ही सर्व गावकरी मोठ्या आनंदाने आणि एकजुटीने साजरे करतो.